កាលពីពេលថ្មីៗនេះ រដ្ឋបាលស្រុកបសេដ្ឋបានរៀបចំពិធីក្រុងពាលីបញ្ចុះបឋមសិលា បើកការដ្ឋានសាងសង់ រង្វង់មូលរូបសំណាកសិលាចារឹកសុវណ្ណភូមិ នៅចំណុចផ្លូវបំបែកផ្លូវជាតិលេខ៤១ បត់ចូលសាលាស្រុកបសេដ្ឋ ដើម្បីបួងសួងសុំសេចក្តីសុខសេចក្តីចម្រើន ក្រោមអធិបតីភាពលោក ងួន សុផាត ប្រធានក្រុមប្រឹក្សាស្រុក លោក សំអឿន សុបញ្ញា អភិបាល នៃគណៈអភិបាលស្រុកបសេដ្ឋ ស្ថិតនៅភូមិបឹងស្តុក ឃុំបសេដ្ឋ ស្រុកបសេដ្ឋ ខេត្ត កំពង់ស្ពឺ ។

នៅក្នុងឱកាសនោះផងដែរ មានការអញ្ជើញចូលរួមពីសំណាក់ លោកលោកស្រី សមាជិក សមាជិកាក្រុមប្រឹក្សា ស្រុក លោកលោកស្រីអភិបាលរងស្រុក លោក នាយក នាយករងរដ្ឋបាលស្រុក លោកមេបញ្ជាការកងកម្លាំងទាំង បីអង្គភាព លោកលោកស្រីប្រធាន អនុប្រធានការិយាល័យ និងមន្ត្រីក្នុងសាលាស្រុក លោកប្រធាន និងសមាជិក ក្រុមប្រឹក្សាឃុំបសេដ្ឋ និងក្រុមជាងសាងសង់ផងដែរ ៕