ប្រធានសម្ព័ន្ធភាពបណ្តុំសមាគមអង្គការសង្គមស៊ីវិល ឯកឧត្តមបណ្ឌិត ហែម ប្រសើរ បាននិយាយថា នៅសល់ ត្រឹមតែប៉ុន្មាថ្ងៃទៀតនោះទេ គឺដល់ឧិកាសបុណ្យចូលឆ្នាំថ្មីប្រពៃណីជាតិខ្មែរហើយ ហើយក៏ជាពេលដែលពលរដ្ឋ ខ្មែរទូទាំងប្រទេសចាំបាច់ត្រូវការប្រើប្រាស់ភ្លើងធូបភ្លើងទៀន ដើម្បីប្រារព្ធពិធីសែនព្រេនទទួលទេវតាឆ្នាំថ្មី លើស ពីនេះសម្រាប់អ្នកដែលមានជំនឿគោរពលើវត្ថុស័ក្តិសិទ្ធបារមីគ្រូផាត់ជាយ និងទេវតាថែរក្សាប្រចាំខ្លួន ច្បាស់ ណាស់ក៏នឹងត្រូវធ្វើការដុតធូបដុតទៀនយ៉ាងទៀងទាត់ផងដែរ ប៉ុន្តែដោយឡែកសម្រាប់អ្វីដែលជាការមើលឃើញ របស់ឯកឧត្តមបណ្ឌិត គឺឃើញថា ក្នុងរយៈពេលប៉ុន្មានខែនាដើមឆ្នាំ២០២៥នេះ គ្រោះធម្មជាតិហាក់បីដូចជា កើតរឿងចម្លែកៗជាងឆ្នាំមុន ក្នុងនោះយើងបានឃើញថា មានទាំងគ្រោះរញ្ជួយដី ហើយក៏មានករណីអគ្គីភ័យឆាប ឆេះផ្ទះសម្បែងទាំងក្នុងប្រទេសកម្ពុជា និងទាំងបរទេសទៀតផង ជាពិសេសថ្មីៗនេះ កើតមាននៅប្រទេសម៉ាឡេ ស៊ី ដែលបានឆាបឆេះនៅស្ថានីយ៍ Petronas ក្នុងតំបន់ Putra Heights ទីក្រុង Subang Jaya នៃរដ្ឋ Selango ជាមួយ នឹងអណ្តាតភ្លើងដែលអាចមើលឃើញពីចម្ងាយរាប់គីឡូ ។

ឯកឧត្តមបណ្ឌិត បានបន្តថា ការកើតមានគ្រោះធម្មជាតិ និងករណីអគ្គីភ័យឆាបឆេះយ៉ាងគគ្រឹកគគ្រេងនេះ ឯកឧត្តមបណ្ឌិតថា វាអាចជាប្រផ្នូមួយដើម្បីឲ្យយើងទាំងអស់គ្នាមានការប្រុងប្រយ័ត្នលើសុវត្ថិភាព របស់ខ្លួន ពិសេសគឺបញ្ហាប្រើប្រាស់ចរន្តភ្លើងអគ្គិសនី និងវត្ថុធាតុទាំងឡាយណា ដែលងាយស្រួលក្នុងការបង្កឲ្យមានការ ឆាបឆេះ ដែលធ្វើឲ្យមានការខាតបង់ដល់ទ្រព្យឯកជន និងសាធារណៈរបស់ប្អូន ។ ដោយឯកឧត្តមបណ្ឌិត បានអំពាវនាវថា សូមបងប្អូនយើងទាំងអស់គ្នាមានការប្រយ័ត្នឲ្យបានច្រើនលើបញ្ហាអគ្គិភ័យ ជាក់ស្តែងមុន ចាកចេញពីលំនៅដ្ឋាន សូមបងប្អូនទាំងអស់ពិនិត្យឲ្យច្បាស់អំពីបញ្ហាភ្លើងធូបភ្លើងទៀន សូមពន្លត់ឲ្យបាន ល្អត្រឹមត្រូវ សឹមចាកចេញពីលំនៅដ្ឋាន លើសពីនេះក៏ត្រូវពិនិត្យរាល់ប្រព័ន្ធអគ្គិសនីក្នុងផ្ទះ បើអាចបិទប៉ារ៉ែត ភ្លើងមុនចាកចេញពីផ្ទះក៏រិតតែល្អ ដើម្បីការពារកុំឲ្យមានឧប្បទ្ទវហេតុណាមួយដែលអាចកើតឡើង ធ្វើឲ្យខាត បង់ទ្រព្យសម្បត្តិបងប្អូន ៕