ឯកឧត្តម ហួន ច័ន្ទថុន បានមានប្រសាសន៍ថា រូបខ្ញុំពិតជាមានមោទនភាពជាខ្លាំងចំពោះស្ថាប័នឧត្តមក្រុម ប្រឹក្សាពិគ្រោះ និងផ្តល់យោបល់ នៅក្រោមការរៀបចំពីសំណាក់ឯកឧត្តមបណ្ឌិត ឈឹម ផលវរុណ រដ្ឋមន្ត្រី ប្រតិភូអមនាយករដ្ឋមន្ត្រី ទទួលបន្ទុកជាប្រធានលេខាធិការដ្ឋាន តែងបានសម្រួលយកចិត្តទុកដាក់គួរជាទីកោត សសើរ ។

ឯកឧត្តម ហួន ច័ន្ទថុន បានបន្តថា ជាក់ស្តែងសម្រាប់ខែកុម្ភៈ ឆ្នាំ២០២៥នេះ លេខាធិការដ្ឋានឧត្តមក្រុមប្រឹក្សា ពិគ្រោះ និងផ្តល់យោបល់ នឹងបើកដំណើរការអង្គប្រជុំ ដែលនឹងដំណើរការឡើងនៅថ្ងៃទី២៧ ក្រោមវត្តមានដឹក នាំអង្គប្រជុំរបស់ឯកឧត្តម អ៊ុន វិសិទ្ធគុន ជាប្រធានប្តូរវេន និងជាប្រធានប្រតិភូ នៃគណបក្សកម្លាំងប្រជាធិប តេយ្យ ។

ឯកឧត្តមលើកឡើងថា រូបខ្ញុំសង្ឃឹមថា អ្វីដែលជាទុក្ខកង្វល់របស់ប្រជាពលរដ្ឋ អាចនឹងត្រូវបានថ្នាក់ដឹកនាំប្រតិភូ លើកបង្ហាញក្នុងអង្គប្រជុំក៏ដូចជាបន្តធ្វើជាទស្សនៈទានធាតុចូលគោរពជូនសម្តេចមហាបវរធិបតីនាយករដ្ឋមន្ត្រី ដើម្បីប្រយោជន៍បងប្អូនគ្រប់ៗរូប ។ សូមបញ្ជាក់ផងដែរថា នៅក្នុងអាណត្តិទី៧ នៃរាជរដ្ឋាភិបាលកម្ពុជានេះ ថ្នាក់ដឹកនាំប្រតិភូគ្រប់បណ្តាគណបក្សនយោបាយ របស់ឧត្តមក្រុមប្រឹក្សាពិគ្រោះ និងផ្តល់យបល់ បានចូលរួម ផ្តល់នូវទស្សនៈទាន គោរពជូនប្រមុខរាជរដ្ឋាភិបាល និងទទួលបានផ្លែផ្កាគួរជាទីគោតសសើរ ៕