អតីតបេក្ខជនក្រុមប្រឹក្សាឃុំគណបក្សសង្គ្រោះជាតិ ចំនួន ១៨នាក់ ស្ថិតនៅឃុំបារាយណ៍ ស្រុកបារាយណ៍ ខេត្តកំពង់ធំ នៅរសៀលថ្ងៃទី ២៧ ខែមករា ឆ្នាំ២០២៥ នេះ ពួកគាត់សម្រេចចិត្តផ្តាច់ខ្លួន ចូលមករួមរស់ ជីវភាពជាមួយគណបក្សប្រជាជនកម្ពុជា ក៏ព្រោះតែពួកគាត់ទាំងអស់គ្នាអស់ជំនឿចិត្តទៅលើអតីតមេដឹក នាំខ្លួន ហើយបានមើលឃើញយ៉ាងច្បាស់អំពីគោលជំហរស្មោះត្រង់ ស្រឡាញ់ពោពេញដោយភាពកក់ ក្តៅលើសមាជិក របស់សម្តេចអគ្គមហាសេនាបតីតេជោ ដែលជាប្រធានគណបក្សប្រជាជនកម្ពុជា នៅទី បំផុតធ្វើឲ្យពួកគាត់សម្រេចស្ម័គ្រដោយមិនមានការអល់អែក ។

ការផ្តាច់ខ្លួនចូលរួមជីវភាពនយោបាយជាមួយគណបក្សប្រជាជនកម្ពុជានេះ ដំណើរការឡើងនូវក្រោម វត្តមានសម្របសម្រួលរបស់ឯកឧត្តមបណ្ឌិត ហែម ប្រសើរ ប្រធាន ក្រុមការងារចុះជួយកសាងពង្រីក សមាជិកគណបក្សរាជធានី-ខេត្ត និងជាទីប្រឹក្សាសម្ដេចអគ្គមហាសេនាបតីតេជោ ហ៊ុន សែន ប្រធាន គណបក្សប្រជាជនកម្ពុជា .

នៅក្នុងឧិកាសនោះ ឯកឧត្តមបណ្ឌិតបានបង្ហាញអំពីគោលជំហរស្មោះត្រង់ និងក្តីស្រឡាញ់យ៉ាងពិត ប្រាកដ ក្នុងវត្តមានដ៏មានសារៈសំខាន់នាឧិកាសនោះ ឯកឧត្តមបណ្ឌិតបញ្ជាក់ថា ជាទម្លាប់ របស់ថ្នាក់ដឹក នាំគណបក្សប្រជាជនកម្ពុជា មិនធ្លាប់បោះបង់សមាជិករបស់បក្សឲ្យមានសភាពកណ្តោចកណ្តែងនោះ ឡើយ ជាក់ស្តែងនៅក្រោមវត្តមានរបស់សម្តេចអគ្គមហាសេនាបតីតេជោ យើងទាំងអស់គ្នា ត្រូវបានជំនឿ ចិត្តថា ទោះបីមានព្យុះភ្លៀងផ្គរក្តៅរងារយ៉ាងណា ថ្នាក់ដឹកនាំរបស់យើង គឺតែងនៅជាមួយយើងទាំងអស់គ្នា ជានិច្ច ៕