ទីប្រឹក្សាសម្តេចអគ្គមហាសេនាបតីតេជោ ហ៊ុនសែន ប្រធានព្រឹទ្ធសភា នៃព្រះរាជាណាចក្រកម្ពុជា ឯកឧត្តម បណ្ឌិត ហែម ប្រសើរ ប្រធានសម្ព័ន្ធភាពបណ្តុំសមាគមអង្គការសង្គមសីវិល អមដំណើរជាមួយឯកឧត្តម ហួន ច័ន្ទថុន ប្រតិភូឧត្តមក្រុមប្រឹក្សាពិគ្រោះ និងផ្តល់យោបល់ និងលោក ទេព ភារម្យ ក្រុមការងារចុះជួយកសាង ពង្រីកសមាជិកគណបក្សនៅមូលដ្ឋានរាជធានី-ខេត្ត និងក្រុមការងារជាច្រើននាក់ទៀត បានរួមដំណើរចុះទៅ ពិនិត្យទីតាំងប្រវត្តិសាស្ត្រដ៏ល្បីរបស់ខ្មែរ គឺតំបន់បន្ទាយលង្វែក ដែលស្ថិតនៅក្នុងទឹកដីខេត្តកំពង់ឆ្នាំង ។

នៅក្នុងដំណើរទស្សនៈកិច្ចមួយនេះ ជាដើមចមដែលក្រុមការងារចង់បានផងនោះ គឺដើម្បីបួងសួងសុំដល់វត្ថុស័ក្តិ សិទ្ធ បារមីអ្នកដែលមានរិទ្ធសូមជួយសណ្ឋិតឲ្យទឹកចិត្តបេះដូងខ្មែរពោពេញដោយក្តីស្រឡាញ់ខ្មែរ ហើយរួមគ្នា បញ្ជៀសរាល់រឿងរ៉ាវអ័ប្បមង្គលនានាឲ្យជៀសចាកឆ្ងាយពីមាតុភូមិរបស់ខ្មែរ សូមឲ្យសេសសល់តែក្តីស្រឡាញ់ និងការជួយគ្នា រួមគ្នាទាំងគំនិតបញ្ញាស្មារតី ដើម្បីអភិវឌ្ឍន៍មាតុប្រទេសរបស់យើង ។

ឯកឧត្តមបណ្ឌិត ហែម ប្រសើរ បានមានប្រសាសន៍ថា អស់រយៈពេលជាច្រើនឆ្នាំណាស់មកហើយ រូបឯកឧត្តម បានធ្វើដំណើរទៅស្ទើរគ្រប់ទីកន្លែង ដោយឡែកអ្វីតែទីតាំងប្រវត្តិសាស្ត្ររបស់ខ្មែរ គឺបន្ទាយង្វែកបែរជារូប ឯកឧត្តម មិនធ្លាប់បានចូលមកទស្សនាម្តងណានោះឡើយ ពោលគឺទៅហួសមកហួសរហូត ទើបសម្រេចថា នៅ ថ្ងៃនេះថ្ងៃទី១៦ ខែមករា ឆ្នាំ២០២៥ រូបឯកឧត្តមបណ្ឌិត និងក្រុមការងារចុះមកឲ្យដល់ទីតាំងតំបន់ប្រវត្តិសាស្ត្រ នេះតែម្តង ៕